12 желтоқсан Айтуар негізгі орта мектебінде география пәні мұғалімі Абдрешова Венера Төлегенқызының ұйымдастыруымен 16 желтоқсан Тәуелсіздік күніне орай  "Отаным деп соғады жүрегім" патриоттық өлеңдерді мәнерлеп оқу сайысы өтті. Бұл сайысқа 5-9 сынып оқушылары қатысты. Оқушылар өздері таңдап алған ақындарының Отан, туған жер, туған ел тақырыбындағы өлеңдерін жаттап, мәнерлеп оқудан сайысқа түсті. Сайыстың мақсаты: Қазақтың поэзиясымен тілдесу. Ақындардың туған жер, ел туралы өлең-жырларын оқушыларға жаттатып, білімдерін одан әрі шыңдауына үлес қосу. Оқушылардың еліміздің табиғатына, Отанына, туған жеріне деген сүйіспеншілігін артыру. Сайыс соңында әділқазылар алқасының шешімімен І орынды 7-сынып оқушысы Сәркен Сания, ІІ орынды 6-сынып оқушысы Тумырза Диана, ІІІ орынды 7-сынып оқушысы Қошан Жанболсын иеленді. Қалған қатысушылар сайысқа қатысқаны үшін алғыс хатармен марапатталды.